Swift

Ngapuranen Aku Dinda - Cerkak Bahasa Jawa

cerita bahasa jawa
Galau (c) pixabay.com

Saya lahir di Jawa, dari kecil sudah berbahasa Jawa. Tapi justru sulit untuk berbahasa Jawa yang baik dan benar. Bahasa Jawa seolah sulit karena memang Bahasa Jawa punya beberapa tingkatan dengan penggunaan yang berbeda pula. Namun jika bukan kita yang asli Jawa melestarikannya, siapa lagi?

Saya mencoba menulis cerita berbahasa Jawa. Tentunya masih menggunakan Bahasa Jawa ngoko yang biasa digunakan sehari-hari. Cerkak atau cerita cekak berjudul "Ngapuranen Aku Dinda" ini dimuat di Majalah Panjebar Semangat edisi 18 Januari 2014. Di sini saya  bereksperimen dengan menulis cerita bersudut pandang orang pertama (aku) dengan dua sudut pandang tokoh. Cerita ini cukup ringan dan mudah dipahami tentunya oleh usia remaja.


Ngapuranen Aku Dinda

Dening: Mohammad Abdurrohman


Panggresahe Dinda
“Arghhhh...”

Rasane aku kepengen ngamuk. Atiku keronto-ronto, loro banget. Rasane koyo di samber gledek nganti arep mati. 

Duh, eluh netes teko mripat loroku. Aku ora biso cegah iku. Rasane aku kudu gembor. Piye meneh, rasane aku kudu mati wae. Opo gunane urip maneh, nek bocah lanang sing tak tresnani gawe duko aku. Atiku grantes. Keloro-loro.
***

Riko, dak kiro kowe ngajak aku mangan bengi ono ing cafe romantis iku, arep ‘nembak’ aku, nyatane ora. Kowe malah gawe loro atiku. Kandha arep nikah karo bocah wadon pilihane ibumu. 

“Ngapurane, Dinda. Aku ora biso mbantah Ibu.”

Aku meneng bae, ora iso ngomong opo-opo. Atiko remuk. Loro banget. Aku ngadek, banjur muleh, tanpo pamit.

Piye tho Ko, sopo sing ora keronto-ronto. Kawit kenal biyen, kowe becik karo aku. Kowe cedak banget karo aku. Sansoyo merene, aku ndue roso karo kowe, roso sing ora biso tak cegah. Tresno. Dak kiro kowe ngono ugi.
***

Aku lungguh ono pojok paturon. Isih nangis dewekkan. Tak jupuk boneka beruang sing menehi kowe, banjur tak jotos-jotos kanggo ngilangno roso dukoku marang kowe. Eluh bening netes terus teko mripat loroku. 

“Ko, kenopo kowe gawe duko aku? Aku salah opo? Opo aku sing ke-PD-an. Dak-dak, aku yakin kowe ndue roso podo karo aku.”


Panglocitane Riko
“Ngapurane Din. Aku nglakoni iki, supoyo kowe duko marang aku. Aku pancen sengojo.”

Aku ndingkluk pas Dinda ujug-ujug muleh. Tanpo ngomong setembung. Kabeh iki salahku. 
***

Bengi iku, aku ngabari Dinda, aku arep nikah karo kenya pilihane Ibu. Kiro-kiro rong minggu maneh. Pancen rodo ndadak, nanging aku kepeksa. 

Sebenere biso wae perjodohan kuwi tak batalno, nanging mengko kowe malah soyo tresno ambi aku. Iki kabeh tak sengojo. 

Dinda, aku sebenere tresno karo kowe. Tresno banget malah. Nanging aku durung tau ngomong tresno karo kowe. Sebenere, aku arep golek wektu sing cocok kanggo ngomong iku, nanging nyatane aku malah kadung ngerti sopo kowe lan aku sebenere. Banjur aku sadar, hubungan iki ora biso diterosno. Untung wae durung kebacut soyo adoh.
***

Sesasi kepungkur, pas aku dolan menyang omahmu, aku ngerti foto keluargamu ono ing tembok werno abang enom, ruang tamu omahmu. Aku kaget, soale ngeroso wis ora asing karo salah siji wong sing ono ing foto kuwi, kejobo kowe. Wong lanang ngagem jas ireng, sing ketok gagah, tur ganteng.

“Iku Bapak. Ganteng, ra? Mangkane anakke ayu ngene.” Kowe mesem.

Dak perhatekke rupane wong iku maneh. Aku ora salah maneh, aku tau ngerti wong iku, nanging ora ngerti secoro langsung. Aku eling, aku ngerti teko foto sing disimpen ibu ing lemarine. Ning mburi foto kui ono tulisan, “Gustaf sing tak tresnani”.

Deg. Aku kaget wektu iku. Sopo iku? Bajur tak wanekke takon marang Ibu. Ibu malah ngamuk karo aku, aku diseneni. Nanging aku yo mbales ngamuk supoyo Ibu gelem cerito sopo Gustaf kui. Amargo aku penasaran banget. Opo hubungane Ibu, Gustaf, Dinda lan aku.

Ibu malah nangis, banjur cerito kanthi netesake eluh. “Gustaf kuwi Bapakmu. Ibu iku mung bojo simpenan sing ditinggal ngati saiki dak ono kabare.”

Deg. Aku kaget maneh. Nanging ngluwehi kaget sing pertama. Atiko keronto-ronto, loro banget. 

Bapakmu iku, yo Bapakku. Nanging aku ora kondo kowe, aku wedi nek kue sedhih banget. Ben iki dadi rahasia. Sing penting kito ora sido dadi pacar. Aku malah syukur banget.

Ngapurane Dinda...

You Might Also Like

0 komentar

Silahkan tinggalkan jejak komentar, kesan ataupun saran. Sehingga dapat menjadi pelajaran untuk menyempurnakan tulisan, maupun desain blog ini. Komentar Anda adalah semangat saya ^_^ Terima kasih